الخية دى من أيادينا
اشرب بقى علشان تعرف مين فين النار
دي عينة من ألاعيبي وجرابي عمار
فضلت فاكرك من طينة عبد الناصر
طلعت معروف الحضري كده م الآخر
فضلت أملى الأخراني بعد المولوتف
وبعد سلطان وتهاني وناس قرب شوف
من كل كداب متبرمج على قولة الزور
صحفي مذيع على رقاصة واقفين بالدور
كل اللي زيك ف الدنيا من أهل الجيش
بيكرهوا دين الإسلام ويحبوا العيش
هو انت طينة غير الطينة يا دى الخيبة
ضيعت أملى وحطتنى ف ألف مصيبة
فضلت انفخ فى ودانك أنا والشياطين
وانبح صوتنا وسيادتك ولا ف السامعين
نقول لك انزل واحرقها على من فيها
تقول لنا نارك جنة على أهاليها
نقول لك انزل رجعنا نحكم تانى
تقول لنا دى شغلتكم مش عايزانى
نقول لك انزل واتريس على مصر يومين
وكن لنا عبد الناصر أو حتى بوتين .
ومش حنطلب بنصيبنا من الكعكة دى
وكفاية نفلت من ورطة جايه تنادى
لو حكموا الإسلام حسرة حنروح فيها
دى ايدينا وسخة وما بتنضف فين نداريها
فضلت تعند وصبرنا والصبر خلاص
وادي النهارده قرصتنا شوف لك ف خلاص
اختار بقى يا تكون معنا مع بنى علمان
يا تعيش كده تحمى الإسلام ويا الإخوان
وساعتها حنوريك ياما من الأعيبنا
من جوه مصر ومن بره من حبايبنا
و يبقى ربكوا ينفعكم يا بتوع الدين
دا احنا معانا أمريكا ويهود جامدين
وفلوس خليجنا على البحرى مالهاش نفاد
يله بقه كبر مخك وبلاها عناد
