أحمد ربي وأصلي وأسلم...  على نبينا قبل ما أتكلم

 

اسمع مني دي هي حكاية... هات ودنك خليها معايا

 

اسمع مني حكاية خفيفة... من أخوك محمد بن خليفة

 

دي حكاية انتخابات الشورى... أصلها حدانا كانت مشهورة

 

دي انتخابات إسكندرية... وحكومتنا خلوها ملوخية

 

قالوا يا أخويا عايزنها نزيهة... وبدأوها قال إيه بفضيحة

 

راحوا اتنين قدموا أوراقهم... قام الموظفين قفلوا أبوابهم

 

وكان منهم دكتورنا حسين بن إبراهيم...  اللي اتوكل على العزيز الرحيم

 

وراح وراهم هنا وهناك... وكلنا قلنا له إحنا وراك

 

وعشان هو من الإخوان...  قاموا شطبوه هو كمان

 

لكن هو لا مسكتش... على المحكمة راح ومخفش

 

وقضاءنا العالي حكمله أكيد... قال الحق ما خاف من تهديد

 

وعشان حكومتنا يا أخويا قوية... عشان أكلت حبة ملوخية

 

وعشان هي يا أخويا عنيدة... عملت حركه عليها مش جديدة

 

اسمه من الورقة شالوه... قال إيه يا حبيبي نسوه

 

وقالوا عليها جماعة محظورة... وشالوا الاسم وشالوا الصورة

 

بس يا سيدي الدكتور قايم... رافع إيده ودعا على الظالم

 

وهيشكي لمين غير المولى... بعد القمع علينا ما استولى

 

وهفضل أقولها أنا والكل... الإسلام هو الحل

 

شرع المولى عز وجل... ومفيش حل خلاف الحل

 

وزي ما قال دكتورنا النائب... رشاد بيومي لينا مكاسب

 

كان أولها العذر أمام رب الناس... وتانيها خدمة كل الناس

 

وفضحناهم فـ كل مكان... وعرفونا الناس إحنا الإخوان

 

وإياك تيأس يا أبو قلب كبير... لينا رب سميع وبصير

 

مين كان يقول إن الإخوان... ينجح تمانين وتمانية كمان

 

وفي انتخابات الشعب كمان... نازلين نازلين إحنا الإخوان

 

وادي يا سيدي حكاية خفيفة... قدمهالكو محمد خليفة

 

ومعادنا الانتخابات الجاية... وليكم مني أحلى تحية